Нууцлалын бодлого

Энэ бодлого нь beelog.tech вэбсайтаар дамжуулан ямар мэдээлэл цуглуулдаг, түүнийг юунд ашигладаг, хэр хугацаанд хадгалдаг, мөн Beelog Technologies LLC-д нууцлалын хүсэлт хэрхэн гаргахыг тайлбарлана.

Ямар мэдээлэл цуглуулдаг вэ

Төслийн хүсэлтийн маягт: таны бөглөж илгээсэн нэр, байгууллага, и-мэйл, утас, төслийн төрөл, одоо тулгарч буй асуудал, төслийн тайлбар, төсвийн баримжаа, хугацааны хүлээлт, хавсаргасан файл, холбогдох суваг. Бид зөвхөн таны өөрийн оруулсан мэдээллийг хүлээн авдаг.

Серверийн лог: ихэнх вэбсайтын нэгэн адил техникийн стандарт лог (IP хаяг, хөтчийн төрөл, хандсан хуудас, хандсан цаг) сайтын хэвийн, аюулгүй ажиллагааг хангах зорилгоор хадгалагдана.

Юунд ашигладаг вэ

Маягтын мэдээллийг зөвхөн таны төслийн хүсэлтэд хариу өгөх, таны сонгосон сувгаар холбогдох, төслийн санал бэлтгэхэд ашиглана.

Серверийн логийг сайтын найдвартай ажиллагаа, аюулгүй байдлыг хангахад ашиглана. Бид таны мэдээллийг зар сурталчилгааны зорилгоор ашигладаггүй.

Мэдээллийг худалдахгүй, маркетингт дамжуулахгүй

Бид таны хувийн мэдээллийг худалддаггүй, маркетингийн зорилгоор гуравдагч этгээдэд дамжуулдаггүй. Сайтын үйл ажиллагаанд зайлшгүй шаардлагатай тохиолдолд (жишээ нь, хостингийн дэд бүтэц) эсвэл Монгол Улсын хууль тогтоомжид заасан үүргийн дагуу л мэдээлэл дамжуулагдаж болно.

Cookie болон аналитик

Энэ сайт зар сурталчилгааны cookie болон гуравдагч талын аналитикийн хэрэгсэл ашигладаггүй.

Хадгалах хугацаа

Төслийн хүсэлтийг бизнесийн захидал харилцааны нэгэн адил хариу өгөх, харилцаагаа үргэлжлүүлэхэд шаардлагатай хугацаанд хадгална. Та өөрийн мэдээллийг устгуулах хүсэлтээ доорх хаягаар хэдийд ч илгээж болно.

Хамаарах хууль тогтоомж

Энэхүү бодлого болон таны мэдээлэлтэй холбоотой харилцааг Монгол Улсын хууль тогтоомж, түүний дотор Хүний хувийн мэдээлэл хамгаалах тухай хуулиар зохицуулна.

Бодлогын өөрчлөлт

Бид энэ бодлогыг шинэчилсэн тохиолдолд шинэ хувилбарыг энэ хуудсанд байршуулна.

Асуулт байна уу?

Нууцлалтай холбоотой асуултаа дараах хаягаар илгээгээрэй: admin@beelog.tech